BROOD BLY BOBAAS
KNOFFEL-BROODBOLLETJIEBROOD
Dié broodjie het ek eenmaal gebak vir ’n braaipiekniek wat ons in die berg op die plaas gehou het. Draai die brood in die pan toe en pak dit so in. Plaas die kaas vir ’n paar minute in tinfoelie oor die kole en verhit tot gesmelt. Sit dan voor saam met die brood.
LEWER 1 RONDE BROOD
BEREIDING: 30 MIN.
RYS: SOWAT 1 UUR
BAK: 35-40 MIN.
◗ 500 g witbroodmeel
◗ 7,5 ml (1½ t) sout
◗ 10 ml (2 t) kitsgis
◗ 10 ml (2 t) strooisuiker
◗ sowat 375 ml (1½ k) warm water
◗ 90 ml (4 e) botter
◗ 45 ml (3 e) olyfolie
◗ 2 takkies roosmaryn se blaartjies
◗ 3 knoffelhuisies, gekneus
◗ 1 wiel camembertkaas
◗ ekstra knoffel en roosmaryn vir bo-op
Voorverhit die oond tot 190 °C.
Meng die meel, sout, kitsgis en strooisuiker in ’n mengbak. Voeg net genoeg warm water by om ’n stywe deeg te vorm. Knie goed tot glad en elasties en bedek dan die
