LOLLERY OOR ’N TROLLERY
JARE lank was sy as’t ware die “hoofkanselleerder”. Sy was die een wat sommer gou in die sosiale media sou inklim onder die kuberboelies en trolle wat sy reken geroskam moes word – en ook onder ander mense wat sy met haar bitsige twiets op hul baadjie of hul woorde sou takseer. Maar toe vang slim sy baas …
Chrissy Teigen – of die “queen of mean” soos sy deesdae bekendstaan – word nou met gelyke munt terugbetaal. Borge, aanhangers en ander bekendes “kanselleer” háár nou. En die model se reaksie is om te erken sy het die pad byster geraak. “Ek was ’n trol, punt. En ek is baie jammer daaroor,” skryf sy in ’n lang verklaring op.
