Laat die Kruger jou op vlerke neem!

Wanneer het die voëlkykgogga jou gebyt? Ek het sowat 40 jaar gelede – toe ek nog in my twintigs was – vir Lou Arthur van Hazyview ontmoet. Lou was ’n werktuigkundige en het geen formele opleiding in ornitologie gehad nie, maar wel ’n intrinsieke kennis van die veld. Hy kon ’n houtkapperspesie identifiseer deur bloot te luister hoe die voëltjie teen ’n boom se bas kap! Saam het ons oor die jare ’n paar voëlboeke die lig laat sien.