DIE RAAISEL VAN MY MAN SE OORSKOT
NIE ’n enkele dag gaan verby dat Tanja Schroeder nie daardie oomblik saam met haar man op die balkon van hul stukkie Afrika-paradys op Jeffreysbaai herleef nie.
Dit was 13 Augustus 2009. Sy en Claus (50) het saam op die balkon uitgestap, maar vir eers was die betowering van die skuimende branders en skitterende sterre wat hulle jare tevore van Duitsland af hierheen gelok het vergete.
Haar man het haar in sy arms toegevou en gesê: “Ek vertrou hulle nie; iets voel nie reg nie…”
Tanja (nou 57) was toe al lank agterdogtig oor die paartjie – ook van Duitsland – wat in daardie stadium reeds twee jaar op die Schroeders se plaas naby Jeffreysbaai gewoon het. Jens Leunberg en Kristina Adler wou die
