Pelgrimstog
“OP Utopia! Vrede, geluk en welvaart.” In absolute vervoering oor die uitsig lig Estie haar glas omhoog terwyl haar bruin oë lewenslustig vonkel. Ná ’n heerlike oggend se stap in die Jonkershoek-natuurreservaat sit hulle nou op die Lanzerac-wynlandgoed en kyk uit oor die skilderagtige Hottentots- Hollandberge, helder afgeëts teen ’n wolklose blou herfshemel.
Wingerdryke heuwels is geklee in ’n sluier van rooi en okergoud. “Wie wil nou die Camino de Santiago in Spanje gaan stap op soek na innerlike vrede as ons eie land sulke asemrowende natuurtonele bied? Hier kan ek myself wraggies maklik weer vind. Jy’s vrek bederf dat jy hier op Stellenbosch kon swot, Marja. Ek’s rêrig bly dat jy my saamgenooi het.”
Marja se koperkleurige krulle glinster in die son en haar groen oë kry meteens ’n trek van heimwee. “Ek moet erken ek het self al vergeet hoe mooi die Kaapse wynlandstreek is. Dankie dat jy saamgekom het, Estie.
You’re reading a preview, subscribe to read more.
Start your free 30 days