Die groot K
Op Vrydag 16 Oktober het die lewe vir Lienkie (Mandi du Plooy-Baard) en haar rugbyhartebreker Blitz (Werner Coetser) breed geglimlag. Blitz en Lienkie het op ’n vrolike lentebruilof ewige liefde aan mekaar beloof. Maar skaars vier weke ná hierdie vreugdevolle dag, het hul sprokie begin verbrokkel: Lienkie het siek geword en is met fase 3 pankreaskanker gediagnoseer. En nou kan die siekte die einde van alles beteken . . .
GROOT GEHEIMHOUDING
Mandi sê die slegte nuus het Lienkie verpletter. “Dit (Dirk Jacobs), moet daarvan uitvind.” Vir dié wat vergeet het: Lienkie was baie jonk toe sy met Blitz se seun swanger geraak het. Sy het verdwyn en die swangerskap vir Blitz geheim gehou. Blitz het verlede jaar van Johan se bestaan uitgevind nadat Johan graag sy biologiese pa wou ontmoet. Die jeugliefdes se paaie het weer gekruis, hulle het weer verlief geraak en voor die kansel beland.
