Webwenresepte

AARBEI-OLIEBOLLE

Oliebolkettingwinkels skiet oral op en tuisbakkers beproef ál meer hul eie weergawes van dié lekkerny. Gebruik ’n basiese deegresep en vul of versier jou oliebolle na hartelus!

Ons gebruik dieselfde deegresep as die een vir die kaneelrolletjies (op bl. 30).

LEWER ONGEVEER 18 OLIEBOLLE (AFHANGEND VAN DIE GROOTTE)

RYS: 1 UUR 30 MIN.

BRAAI: 30 MIN.

1 x kaneelrolletjiedeeg olie, vir diepvetbraai
125 ml (½ k) strooisuiker, vir rol

VULSEL

125 ml (½ k) room
125 ml (½ k) sagte roomkaas
45 ml (3 e) strooisuiker’n paar druppels pienk voedselkleursel

VIR AFRONDING

vars aarbeie, in skyfies gesny, of eetbare roosblare

1 Berei die deeg voor volgens die aanwysings. Rol dit 3 cm dik uit en druk met ’n glas of koekdrukkers sirkels uit die deeg – kies die grootte wat jy wil gebruik mooi; die deeg sal nog verdubbel in grootte.

2 Pak die deegsirkel op ’n meelbestrooide oppervlak of skinkbord. Bedek met ’n doek en laat rys 30 min.

Verhit die olie in ’n diep pan of kastrol. Braai die oliebolle in sarsies tot goudbruin, uitgepof en deurgaar – verlaag