Ruim jou geldsake só op ná Covid-19
die lente het sy kop uitgesteek, maar so ook het ’n virus wat nie net die mensdom se gesondheid aangetas het nie, maar ook sy beursie. ’n Aanlyn opname onder 1 000 volwassenes uit verskillende streke van Suid-Afrika, wat tussen 31 Julie en 3 Augustus deurTransUnion gedoen is, toon dat die finansiële uitwerking van dieCovid-19-krisis op plaaslike verbruikers steeds hoog is.
Die aantal verbruikers wat sê dat hul huishoudelike inkomste negatief geraak is, het sedert die eerste ronde van die opnames in April tot sy laagste vlak (77%) gedaal en is veel laer as die hoogtepunt van 84% wat in Junie waargeneem is. Die respondente het gemeld dat werkverliese steeds toeneem met 21% van verbruikers wat finansieel geraak is wat meld dat hulle hul werk weens die pandemie verloor het, vergeleke met 10% in April.
Die pandemie het huishoudelike finansies geraak en sal dit waarskynlik steeds in die toekoms, ná 2020, doen. Terwyl ons met ’n broodnodige finansiële opruiming afskop, kyk ons na hoe verskillende finansiële prioriteite, van voertuigfinansiering tot die huisverbandmark, versekering en spaar vir aftrede en noodgevalle dié keer verskil.
Voertuie
Voertuigverkope in die eerste helfte van 2020 is kwaai geraak deur die beperkings op werksaamhede weens die inperking wat deur die regering ingestel is. Die beëindiging van handelaarsverkope in Maart en April het verkope kwaai geraak, sê Lebogang Gaoaketse, WesBank se hoof van bemarking en kommunikasie.
“Gevolglik is die verkope vir die eerste helfte van 2020 sowat 36,9% laer as in die ooreenstemmende tydperk verlede jaar,” sê hy aan.
