Skokkend goed: ’n Kat met krag

ek onthou twee dinge van die eerste keer toe ek as kind ’n Jaguar beleef het. Die Jaguar Merk ll waarin ons gery het was ’n pragstuk, en die ding se uitlaatpyp het die heeltyd teruggeplof.

Nou is dit 2020 en hier is Jaguar se gesofistikeerde vol-elektriese SNV, die I-Pace. Hy slaan ook ’n slag, maar nie met die uitlaatstelsel nie. Dis omdat daar natuurlikgeen binnebrandenjin hier is waarvan die ontbranding verkeerd gestel kan wees nie, en ook nie ’n uitlaatpyp om die skoot af te vuur nie. In hierdie kar is dit doodstil, want hy het twee elektriese motors, ’n hele eskader litium-ioonbatterye en hope tegnologie.

Dis ’n groot sprong hierheen van die ou dae se basiese voertuie waarmee ek leer bestuur het. Daardie binnebrandenjins sonder aanjaers was eenvoudig; stuurwiel, ratte, koppelaar, remme, versneller