BOSPOS
WENBRIEF
OBERNDORF MAUSER-JAGTOG
Pierre Pretorius se brief Klassieke wapens (SA JAGTER/HUNTER, Mei 2020) het my herinner aan ’n jagtog met twee A-tipe Oberndorf Mauser-jaggewere gedurende 2011 in die Vaalwater-omgewing. Herlaai vir en jag met hierdie klassieke gewere het my baie plesier gegee.
Die 10,75x68 was in sy oorspronklike, maar ’n baie gebruikte toestand met amper geen blou meer op die metaal nie. Die 6,5x58 (6,5 Portugees) se aksie was geboor en getap vir teleskoop-montering. Volgens hul reeksnommers is die gewere in die 1930’s vervaardig.
Die 10,75 het my op die skietbaan verbaas. Op 50m, met ystervisiere en vanaf ’n dooierus, het die gate wat deur drie 350gr Woodleigh-koeëls gemaak is, mekaar op die teiken geraak. Die 6,5 Portugees se groepering op 100m, met teleskoop, dooierus en 140gr Nosler
