DIE JAGTER SE TYD VIR INTROSPEKSIE
Daar is ’n tyd om te kom en ’n tyd om te gaan, en vir die jagter is daar ook ’n tyd om op ’n rots in die veld te gaan sit en van buite na die eie self te kyk. Kyk na jouself deur die oë van Jan Publiek, loer onderlangs na jouself deur die dik brille van die wetstoepassers. Beskou jouself deur die verkyker van die eienaar van die jagbestemming, en tuur ook na jouself deur die skerp oë van die wilde diere van die veld. Dit is tyd vir introspeksie.
Hierdie gedagte het op ’n onlangse jagtog naby Aliwal-Noord in die bitter koue van die Oos-Kaap ontstaan, waar ek vir ’n week lank die enigste jagter op die plaas was. Die geselse met ander jagters, plaaseienaars, plaaswerkers, die publiek, en menige ander oor die jare heen het die idee van introspeksie ontketen.
SKERP WAARNEMING
Daardie alleentyd in die veld met net die plantegroei, die landskap en die wilde diere rondom jou, is uiters kosbaar. Maar as ek luister na mense,
