Hoera vir pinot noir!
Wêreldklas! 98 punte uit 100. Só het proewers vroeër vanjaar gesê toe hulle die Suid-Afrikaanse Crystallum Cuvée Cinéma Pinot Noir 2018 proe.
Dit was tydens die internasionale wyntydskrif Decanter se paneelproe van Nu-we Wêreld-, enkelwingerd-pinot noirs. Die Crystallum-wynmaker Peter-Allan Finlayson volg in groot voetspore: sy pa, Peter, word gereken as dié wynmaker wat die moderne pinot-era in Suid-Afrika in Hemel-en-Aarde in die 1980’s ingelui het, hoewel die eerste plaaslike pinot noir jare vantevore op Muratie gemaak is.
Die naam pinot noir verwys na die Franse woorde dennebol en swart omdat die druiwetros-vorm aan ’n dennebol her-inner, met die druiwekorrels wat styf teen mekaar sit.
Pinot noir aard goed in koeler klimaatstoestande en word meestal met die Boergondië-streek in Frankryk geassosieer, waar dit vir dekades eksklusief gemaak is.
Dis ’n gewilde druifsoort om in Franse sjampanje en in Suid-Afrika se soortgelyke Méthode Cap Classique (MCC) te gebruik.
Maar ook hier
