Lewe se geluksgodin is slegs ’n tydelike vriendin
Dis maklik om versteur te word deur die negatiewe golf van nuus wat ons nou tref. Ons ekonomie is in sy peetjie. Ons leiers het die pad byster geraak met hul sinnelose inperkings. Moord en roof en betoog is alledaags.
In die buiteland is dinge nie veel beter nie. ’n Dom egoïs is aan die stuur van die wêreld se grootste ekonomie (en weer-mag). Die helfte van Beiroet is uitgewis deur onbevoegdheid. Modderstortings in Indië. Isis in Mosambiek. O, en het ek al genoem ons is midde-in ’n wêreldwye pandemie? In my geestesoor hoor ek Laurika Rauch se en ek wonder: Is dit hoe die einde lyk?
