AS JY JOU IN ’N MUUR VASLOOP
DIE afknouery op Instagram het op ’n dag in Mei begin. Ná net vyf dae daarvan was ’n 13-jarige Gautengse meisie so getraumatiseer dat sy nie kon eet of slaap nie. Sy was te vreesbevange om die huis te verlaat.
Uit desperaatheid het haar ouers Facebook, die eienaar van Instagram, probeer oorreed om die identiteit van die mens verantwoordelik vir die plasings bekend te maak. Maar die sosialemediareus het geweier.
Die gevolg was ’n waterskeidingsaak in die hooggeregshof in Johannesburg waarin sosialemediaprokureurs van buite ons landsgrense aangestel is.
Sosialemediakenners het Facebook gebraai. Die maatskappy is daarvan beskuldig dat hy ’n “ondeurdringbare vesting” om homself bou terwyl hy net voorgee dat hy gebruikers se regte
