Een oog op sneller produksie, ander op die buiteland
PLAASINLIGTING
LIGGING: Hluhluwe, KwaZulu-Natal
NAAM: Badenhorstboerdery
EIENAARSKAP: Maatskappy
VERTAKKINGS: Pynappels en kleinvee GRONDTIPE: Gemeng VELDTIPE: Gemeng GEMIDDELDE REËNVAL: 750 mm per jaar
KORTOM
■ ’n Opbrengs van tot 90 t/ha is met presisieboerdery en goeie boerderymetodes moontlik.
■ Omdat dit relatief min in dié streek reën, word die grond deeglik losgemaak sodat elke druppel reën die grond kan binnedring.
■ Nuwe planne word beraam om die opbrengs te verhoog en die gehalte van die pynpappels te verbeter.
Die pad vanaf bok-smous en klein pynappelboer wat gesukkel om van ’n oorlogbesering te herstel, tot megaboer en Suid-Afrika se grootste uitvoerder van pynappels wat vir die vars mark gekweek word, was nie aldag maklik nie.
Vandag kan mnr. Casper Badenhorst van Hluhluwe in die noorde van KwaZulu-Natal egter met genoegdoening terugkyk en sê: Dit was die moeite werd.
Sy suksesse was alles die gevolg van ’n presisiebenadering in alles wat hy aanpak, tesame met harde werk. Dit het ook in 2005 daartoe gelei dat hy deur Landbouskrywers SA as Suid-Afrika se Boer van die Jaar bekroon is.
Badenhorst en sy vrou, Estie, se seuns Henco (32) en Johan (29) boer saam. Hul jongste seun, Jacques (23), studeer BCom-Besigheidsbestuur aan die Noordwes-Universiteit in Potchefstroom.
You’re reading a preview, subscribe to read more.
Start your free 30 days