DIE MILJARDE SONDER HUIS
DIS ’n boedelsage sonder weerga met ’n eksentrieke rolverdeling wat vir ’n sensasionele stryd sorg. Daar’s die ontslape ghoeroe van die modewêreld, sy gunstelingkliek van smeulende manlike modelle, ’n groepie lojale werknemers, ’n bedorwe peetkind en ’n kat met ’n koninklike leefstyl. Waaroor gaan die gekibbel? Die miljarde wat hy met sy dood nagelaat het.
En met ’n rekenmeester wat voete gekry het, verdiep die raaisel selfs nog meer.
Die afgestorwe hoofspeler is die ikoniese Karl Lagerfeld (85), die kreatiewe direkteur van die modehuise Fendi en Chanel wat ook sy eie modereeks gehad het. Sestien maande ná Karl se dood weens pankreaskanker is daar steeds ’n bohaai oor
