APART – MAAR HOEKOM?
HUL sprokiesverhaal het die wêreld al van vroeg af in vervoering – maar ook dikwels aan die gons.
En noudat nuwe uitdagings prinses Charlene en prins Albert uitmekaar hou, boer die bloubloedpaar opnuut in die nuus. Want terwyl die blonde voormalige swemmer die afgelope paar maande al in Suid-Afrika bly, hou haar man tuis in Monaco die fort.
Terwyl duisende kilometers die gesin bly skei, wonder hul aanhangers: Hóékom? Beplan Charlene om na hul paleis in die klein maar skatryk Europese prinsdom terug te keer? Of steek daar dalk waarheid in die wrede bespiegeling dat haar en Albert se huwelik in die moeilikheid is?
SY EN die prins hou saam ’n verenigde front voor en die mense in hul binnekring ontken dat
