PLAAS-LIK
Jy wou net vinnig by Koedoekrip stop, vir ’n paar tarentaalvere om jou pyp skoon te maak, toe jy sien die bolwelf het vasgehaak en die dam het leeg geloop. As jy net geweet het wat ’n bolwelf in Engels is, kon jy Vrou gevra het om dit te gaan Google. Met die vierde industriële revolusie wat op pad is, is daar miskien al ’n meer betroubare toestel gemaak wat nie skrik vir brakwater nie.
Op ’n wildplaas lê daar altyd tarentaalvere by die drinkplekke rond. Jy dink dis omdat die wyfies hulle weerkaatsing in die water sien, die los velle om die nek, plooie om die mond en rimpels onder die oë, en dan sommer onder die naaste mannetjie invlieg dat die vere waai! (Die vroulike
