Kalahari-sout voed vee oor grense
Die soutpan Loch Maree, buite Ask-ham in die Kalahari, wat tot uit die ruimte gesien kan word, is deesdae vaal pleks van spierwit weens die effek van die voortslepende droogte.
Tog is die vraag na die sout wat hier geoes word, nou besonder groot, omdat groot dele van die land se weidings óók nog in droogte vasgevang is, of in ’n herstelfase, wat ’n groot behoefte vir veevoer beteken. In sulke tye verkies baie boere om eerder self hul veevoer te meng as om die finale produk aan te skaf, en sout is een van die grondstowwe wat hulle dus aanskaf.
Saltcor lewer ’n derde van sy sout-uitset aan veevoermaatskappye en koöperasies in Suider-Afrika en tot so ver noord as die Demokratiese Republiek van die Kongo. Sout vanuit dié pan word ook aan ander maatskappye binne Saltcor se houermaatskappy, die Donald Brown
