Dubbel soveel moeilikheid... Dubbel so lekker!
Nico se pa, ook Nico, het staalvensters vir ’n lewe gemaak, maar sy hande het ewe veel gejeuk om sy eie woonwaens te bou. Dit het die woonwasaadjie sommer vroeg by die jong Nico geplant.
Met die uitsondering van die Exclusive het Nico – vóór hy besluit het om sy eie wa te bou – elke liewe Jurgens-woonwa in een of ander stadium besit. Laasjaar het die idee begin posvat om sy eie wa te bou. ’n Paar interessante maande het voorgelê en middernagtelike ure se gewerskaf sou nuwe betekenis kry. Nico se bouery sou ook vir ’n goeie dosis drama sorg nadat sy byna klaargeboude woonwa ná vier maande omtrent uitmekaargeval het.
Pleks van tou opgooi was dit die begin van Nico se volgende uitdaging. ’n Sege was op die horison en twee maande later kon hy vir die eerste keer met sy nuut-en-selfgeboude woonwa gaan kamp.
Oop ruimtes, asseblief
“Ons het die hele woonwaprojek saam aangedurf. My vrou, Mandy, het nie net met die bouwerk gehelp
