My muse ATUUR
Op 53 is ek meer as ooit verwonderd oor die skepping. Dit is asof die fluistering van die natuur dinge in my loswoel.
Een van my gunstelingplekke is die promenade by Seepunt, waar ek ure staar na die branders, die fyn sproei op my gesig voel, die magiese wonders van die seelewe proe, die ewigheid voor my sien uitrol, dikwels in uitbundige wit skuimbolle, en waar ek die wilde reuk van kelp inasem.
As die seevoëls raserig afswiep vir ’n vissie in die see en dan weer omhoog vlieg, dink ek soms aan die woorde van die Franse natuurbewaarder, filmmaker en skrywer Jacques Cousteau: ‘As die see ons eers betower het, hou hy ons vir ewig in sy net van verwondering vas.’
Vir seker, want in hierdie oomblikke van stille aangryping wil ek sing, foto’s neem en pen op papier sit. Kortom, skep.
Die Britse modeontwerper Alexander McQueen was een van
