HERLAAIPOTPOURRI – DEEL 23

Daar is ’n Latynse spreuk wat lui: DISCENDO ARMEMUS. In meer verstaanbare taal beteken dit “Bewapen jou met kennis”. Hierdie besondere insig van die ou Romeine is absoluut van toepassing op die handlaaier. ’n Mens moet dit vermy om blindelings of sommer goedsmoeds sekere herlaaipraktyke te volg. Dis noodsaaklik dat ons insig kry in handlaaipraktyke om sodoende ongewensdegevolge te voorkom.

VRAAG:

Dit word algemeen aanbeveel dat die smeermiddels wat op doppe gebruik word as jy hulle hervorm of pasdruk (resize), behoorlik verwyder moet word voordat jy die dop laai. Hoe kan dit effektief gedoen word sonder om die dop weer aan ’n volledige skoonmaakproses te onderwerp?

KASSIE SE KOMMENTAAR:

Smeermiddels aan doppe moet verwyder word en daar is verskeie metodes wat gevolg kan word. Om dit volledig te doen, moet ons aan die binnekant, sowel as die buitekant van die dop aandag gee. Die buitekant is die maklikste en