HERLAAIPOTPOURRI – DEEL 26
Knaldempers se grootste voordele is die demp van ’n geweer se knal en die vermindering van terugskop. Behalwe dat die gebruik daarvan vir die skut voordelig is, is daar deesdae al hoe meer jagplase wat die gebruik van knaldempers deur jagters vereis. Knaldempers raak dus al hoe meer gesog, en tydens ladingontwikkeling vir verskeie gewere en kalibers het ek gevind dat knaldempers inderdaad ’n invloed op jou ladings kan hê. Die geweer se profiel moet dus in gedagte gehou word voordat ’n eksperimentele lading summier gebruik word, of ’n soortgelyke kaliber se lading gekopieer word. Kom ons kyk na ’n paar vangkuile:
VRAAG:
Ek oorweeg dit om my geweer met ’n knaldemper toe te rus, maar wonder of dit ’n invloed op die ladings wat ek tans suksesvol gebruik, sal hê?
KASSIE SE KOMMENTAAR:
Die pas van ’n knaldemper aan ’n geweer verskuif feitlik altyd die trefpunt van die koeëls weg van die plek waar dit was sonder die
