WOORDFEES ‘EERSTES’ vir Zoid & Janice
KAREN ZOID
“Daar is ’n paar dinge waaroor ’n mens dróóm. Om die volkslied te sing by ’n nasionale byeenkoms, ’n nommereentreffer op die radio, om ’n rockfees te open . . .”
Karen Zoid tiek al dié bokse. En daar’s geen einde in sig nie – iets waaroor Zoid-aanhangers allermins kla.
SA se voorste vrouerocker wat deur die tydskrif Time en die mediamaatskappy U.S. News & World Report uitgesonder is as een van die land se musiekikone en al die verhoog gedeel het met grotes soos Annie Lennox, Metallica, Seal, UB40 en Hothouse Flowers, vier vanjaar nóg ’n mylpaal. Haar twee dekades in die bedryf.
Sy en haar band gaan dit met mening vier met talle spesiale optredes in Suid-Afrika en ook in Ierland, Australië en Nieu-Seeland. Sy gaan met onthou vier, want musiek is soos ’n foto. “Jy onthou soveel meer as jy musiek hoor as wanneer jy iets sien. Luister na die ou wat ‘Candle in the Wind’ op die klavier speel. Dit roep ’n gebeurtenis op.”
‘Ek is dankbaar oor my lewe. Daar was baie genade’
Karen Zoid
As sy Simon & Garfunkel hoor, is sy terug in graad vyf, toe sy in ’n a cappella-groep by die skool geoefen het. Wanneer sy na PJ Powers se musiek
