你會當 坐地鐵去參觀中國北京這个天文台，毋過你佇遐袂揣著任何望遠鏡。天文學家佇西元 1400 年代踮 北京古觀象台 頂懸裝這台儀器，通追蹤一寡 目睭會當直接看著 ê 恆星 kah 行星 ê 位置，共 in 量較準咧。其中一寡大型華麗 ê 天文儀器 到今猶佇遐。今仔日你甚至會當佇觀星台頂懸看天星，毋過佇 城市燈火 遮爾光 ê 狀況下，干焦閣跤光 ê 天體才看會著。這張是固定佇三跤馬頂懸 ê kha-mé-lah 照時間翕--ê 系列相片，有紀錄美麗 ê 弧形星軌，上光 ê 彼條光跡是月娘--ê。伊 ê 弧較闊，就出現佇古觀象台黃銅 渾天儀 ê 後壁。你嘛會使共這張 kah 1895 年 9 月翕--ê 北京古觀象台做比較。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20231202/ 影像：Jeff Dai (TWAN) 音樂：P!SCO - 鼎鼎 聲優：阿錕 翻譯：An-Li Tsai (NSYSU) 原文：https://apod.nasa.gov/apod/ap231202.html Powered by Firstory Hosting