夜空敢會當有藝術性，閣有科學性？若是會使，這張相片 就是一个足好 ê 例。這張數位全景圖是 kā 仝一暗、仝一个地點、仝一台 kha-mé-lah 翕--ê 10 張地景 kah 10 張天景組合起來--ê。相片內底 較光、較有代表性 ê 部份，有特別加強處理過，地面附近嘛有 特別 kā 搝予較光咧。咱會當 tī 前景看著一个 有創意 ê 攝影師。這是伊 tī 兩個月前提著一葩火，tiàm 挪威 這个彎彎曲曲 ê Lofoten 群島，翕著這張 hŏng 讚嘆 ê 景色。背景遠方是 3 條彎弓橋：倒爿是咱 ê 銀河系，正爿有翕著 科學上較罕得看著 ê 雙弧 極光。流星 就 tī in 兩爿之間咧爍。其他較 hŏng 注意著 ê 天景閣有：ùi 倒爿 到 正爿是 仙女座星系、木星、織女星、kah 大熊座 ê 星群。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20221213/ 影像：Giulio Cobianchi 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap221213.html Powered by Firstory Hosting