日頭發生啥物代誌？有當時仔伊看起來 to̍h 親像是經過一个足大 ê 透鏡。毋閣這支影片 ê 太陽是迵過幾若百萬塊細片透鏡，to̍h 是 冰晶 啦！水 tī 大氣 內底結凍了後，會變做細細片 ê 六角形冰晶。這寡 冰晶 大部份攏是 倒平平 落 tùi 塗跤去。觀測者 會當 tī 日頭 peh--起來 抑是日頭落山彼搭，揣著足濟冰晶。落 tī 日出日落連線 面頂 ê 冰晶，攏會變做一个微型透鏡，反射太陽光到 咱 ê 目睭，產生 幻日現象，這是一款 專業術語。這支影片 是 tī 2017 年 tī 瑞典 中部 ê Vemdalen 趨雪場 翕 ê。中央 ê 是 太陽，毋閣倒爿 kah 正爿有兩个足光 ê 幻日 leh 發光。除了這，猶閣有 22 度闊 ê 日暈、kah 足罕得看著 ê、閣較暗 ê 46 度日暈。這嘛是 太陽光反射 大氣內底 ê 冰晶 產生 ê。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20211228/ 影像：Håkan Hammar (Vemdalen Ski Resort, SkiStar) 音樂：PiSCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap211228.html Powered by Firstory Hosting