昨昏（12 月 4 號）有日全食，毋閣干焦 tī 地球尻川尾才看會著。為著欲翕著這个 特別 ê 現象，飛龍機飛到 南半球海洋 ê 雲頂翕。這張相片 足壯觀 ê。光點是太陽 ê 外層 日冕，食月 是烏點，拄仔好 行到太陽 ê 中心。倒手爿到下跤是 飛龍機 ê 翼股 kah iăn-jín，倒爿較遠 ê 所在閣有 另外一隻飛龍機 leh 看日食。食日邊仔一輾較暗 ê 叫做 烏影錐。伊會較暗是因為你看著月娘進前，愛先經過一个去予月娘閘暗 ê、厚厚 ê 大氣層。你若是 較細膩來檢查 這个食日，to̍h 會發現伊 ê 正爿是 水星。後一擺 ê 日食 會 tī 2023 年 4 月經過澳洲 kah 印尼，閣後一擺 會 tī 2024 年 4 月 經過 北美洲。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20211205/ 影像：Petr Horálek (ESO Photo Ambassador, Inst. of Physics in Opava) 音樂：PiSCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap211205.html Powered by Firstory Hosting