祝融號：火星面頂 ê 新探測車 https://apod.tw/daily/20210615/ 火星這馬有新 ê 探測車矣。Tī 五月中，中國 ê 天文一號 任務 kā 祝融號探測車 送到 紅色行星。Tī 中國，火星又閣叫做火行星，祝融號探測車 ê 名 tī 中國神話 內底是火神 ê 意思。祝融號降落 tī 北爿 ê 烏托邦平原，是目前太陽系內底已經知影上大 ê 隕石盆地。根據回報，伊嘛是一个有 較濟地下冰 ê 地區。Kah 其他足濟 科學儀器 比起來，祝融號紮 ê 迵地雷達，會當探測埋 tī 地下 100 公尺深 ê 冰。相片內底是 kah 車平大台 ê 祝融號，to̍h chhāi tī 伊 ê 降落基地邊仔。這張相片 是用裝 tī 探測車面頂 ê 遙控 kha-mé-lah 速翕 ê。祝融號 計畫 ê 90 工任務，欲研究 ê 內容包括火星 烏托邦平原 ê 地質、塗肉、kah 大氣。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： 影像：China National Space Administration 音樂：PiSCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap210615.html Powered by Firstory Hosting