M104：草帽仔星系 https://apod.tw/daily/20210514/ M104 是一个華麗 ê 捲螺仔星系。伊有名是因為伊 giōng 欲完全 坦敧身 ê 形體縖一條足闊 ê 環，彼个環 to̍h 是會閘光 ê 塗粉帶。伊 ê 面模會當 ùi 內底彼个展延 ê 中央銀核內底 ê 恆星看出來。宇宙塗粉 帶成做一个闊邊 ê 草帽仔外形，才予這个星系提著這个較有名 ê 偏名，草帽仔星系。這張有名星系 ê 清楚光學影像是 ùi 地面望遠鏡影像資料來 ê。這改處理 ê 資料，有保存著足詳細 ê 狀況。這 tī 過去定定會因為 M104 中央銀核傷強 ê 光，煞看袂著。草帽仔星系 mā 叫做 NGC 4594，伊 tī 規个光譜 攏看會著。而且伊 ê 中央 有一粒超大質量烏洞。M104 ê 大細差不多有 5 萬光年闊，離咱有 2800 萬光年遠。伊 是室女座星系團南爿邊仔上大粒 ê 星系之一。是講，視場內底多彩明亮 ê 前景星是 ùi 咱 ê 銀河系來的。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： 影像：Bray Falls 音樂：PiSCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap210514.html Powered by Firstory Hosting