Straeon Tic Toc

By Amrywiol

A lovely collection of bedtime stories based on the popular Radio Cymru 'Tic Toc' series.

• Language: Cymraeg
• Publisher: Gomer
• Release date: Jan 19, 2021
• ISBN: 9781785621208

Book preview

llun clawrGomerGomer

Cyhoeddwyd gyntaf yn 2016 gan

Wasg Gomer, Llandysul, Ceredigion, SA44 4JL

yn unol â threfniant gyda Boom Cymru, yn seiliedig ar Radio Cymru.

Mae mwy o Straeon Tic Toc ar gael i’w lawrlwytho am ddim ar wefan Radio Cymru.

www.bbc.co.uk/storitictoc

Ⓒ Boom Cymru ISBN 978 1 78562 119 2

ISBN 978 1 78562 120 8 (ePUB)

ISBN 978 1 78562 121 5 (Kindle)

ⓗ y testun: Boom Cymru Ⓒ

ⓗ y lluniau: Helen Flook Ⓒ

ⓗ lluniau Cyw a Bent Dant: S4C Ⓒ

Mae’r awduron unigol a Helen Flook wedi datgan eu hawl dan Ddeddf Hawlfreintiau, Dyluniadau a Phatentau 1988 i gael eu cydnabod fel awduron ac arlunydd y llyfr hwn

Cedwir pob hawl.

Ni chaniateir atgynhyrchu unrhyw ran o’r cyhoeddiad hwn, na’i gadw mewn cyfundrefn adferadwy, na’i drosglwyddo mewn unrhyw ddull na thrwy unrhyw gyfrwng, electronig, electrostatig, tâp magnetig, mecanyddol, ffotogopïo, recordio, nac fel arall, heb ganiatâd ymlaen llaw gan y cyhoeddwyr

Dymuna’r cyhoeddwyr gydnabod cymorth ariannol Cyngor Llyfrau Cymru

Argraffwyd a rhwymwyd yng Nghymru gan Wasg Gomer, Llandysul, Ceredigion

Troswyd i e-lyfr gan Almon

Cynnwys

Clawr

Hawlfraint

Cynnwys

Cadi a’r Wmffifflwffs

gan Anni Llŷn

Cochyn y Clown

gan Meirion Davies

Eisteddfod y Pysgod

gan Rhys Parry Jones

Y Botel Sos Coch

gan Bethan Gwanas

Jwngl Anti Jini

gan Rhodri Trefor

Ela a’r Afr

gan Anna Lisa Jennaer

Trwyn Taid

gan Anni Llŷn

Antur y Siop Fawr

gan Awel Trefor

Huw-Bob-Lliw

gan Beca Evans

Symud Tŷ

gan Anni Llŷn

Diwrnod Arbennig Lleucu Llygoden

gan Lowri Delve

Chwarae Mig

gan Caryl Parry Jones

Gwen a’r Hances Hud

gan Rhian Williams

Waldo’r Gath

gan Rhiannon Lewis

Glyn a’i Gysgod

gan Meirion Davies

Taten Taid

gan Llŷr Titus

Noswyl Nadolig Tegid

gan Anni Llŷn

Triciau Ben Dant a Benji

gan Casia Wiliam

Y Gragen Hud

gan Bedwyr Rees

Cadi a’r Wmffifflwffs

‘Rwyt ti’n seren, Cadi!’ meddai Mam.

‘O! Mi fyddi di’n un o’r sêr mawr cyn bo hir, gei di weld!’ meddai Nain wedyn. Dyna fyddai mam a nain Cadi yn ei ddweud wrthi bob tro ar ôl ei chlywed yn canu. Roedd gan Cadi lais arbennig, yn llifo fel afon o gwstard llyfn a melys. Roedd hi’n cael llwyfan bron bob tro yn Eisteddfod yr Urdd.

Roedd pawb yn meddwl mai seren bop oedd Cadi eisiau bod ar ôl iddi dyfu’n fawr. Ond ei breuddwyd hi oedd bod gyda’r sêr go iawn, yn y gofod. Roedd brawd ei thad, Wncwl Ben, yn ofodwr ac roedd ganddo straeon anhygoel am ei anturiaethau yn y gofod.

‘Cred ti fi, Cadi, mae ’na gaws ar y lleuad!’ meddai wrthi unwaith.

Un tro, roedd Wncwl Ben a’r gofodwyr eraill wedi darganfod planed anhygoel lle roedd yna greaduriaid bach fflwfflyd yn byw. Yr Wmffifflwffs. Yn ôl Wncwl Ben, roedd yr Wmffifflwffs yn garedig iawn ac yn hapus o hyd. Byddai o a’r gofodwyr eraill bob amser yn galw heibio i’r blaned ar y ffordd adre o’u hanturiaethau i gael te parti rhyfeddol yn llawn dawnsio a chwerthin gyda’r Wmffifflwffs.

Ond un diwrnod, wrth i Cadi ymarfer yr unawd ar gyfer rhyw eisteddfod, daeth cnoc ar y drws. Wncwl Ben oedd yno, yn ei wisg gofodwr. Roedd yn edrych yn bryderus.

‘Be sy’n bod, Wncwl Ben?’

‘Cadi,’ meddai, ‘ry’n ni angen dy help di!’ Dechreuodd Wncwl Ben sôn am yr Wmffifflwffs. Dywedodd eu bod nhw’n ddigalon iawn, a doedd neb yn gwybod pam. ‘Bob tro y bydda i’n dy glywed di’n canu,’ aeth yn ei flaen, ‘mae’n gwneud i ’nghalon i ddawnsio’n hapus! Felly, wyt ti’n meddwl y gallet ti ddod i’r gofod, i blaned yr Wmffifflwffs gyda ni, i ganu iddyn nhw? Dwi’n siŵr y bydden nhw’n hapus iawn wedyn!’

Ond doedd mam Cadi ddim yn hapus. ‘Paid â bod yn ddwl, Cadi! Nid gofodwr wyt ti!’

‘Ond pliiiis, Mam. Dwi eisiau bod yn ofodwr. Dwi’n addo y gwna i ymarfer canu bob dydd ar ôl dod ’nôl. Pliiiis!’ ymbiliodd Cadi.

Yn y diwedd, cytunodd Mam, ac aeth Cadi gydag Wncwl Ben i’w roced.

‘Dyma wisg gofodwr i ti,’ meddai, gan roi rhywbeth tebyg i bowlen pysgodyn aur am ei phen a siwt drwchus, wen amdani. Eisteddodd Cadi’n gyfforddus yn ei sedd yn y roced a chyn pen dim roedden nhw’n saethu trwy’r awyr.

‘Wncwl Ben, gawn ni alw heibio i’r lleuad i gael caws,