Lenkwang
()
About this ebook
Lenkwang o amogela mogala go tšwa go morwedi wa gagwe Mabore. O be a ile Mamelodi morago ga go boloka Nareadi ngwana wa kgaetšedi ya gagwe. Nareadi yoo o hlokofala morago ga go hlomola Mohubi mootlwa. Mohubi o be a swerwe lapeng tsoko mo nageng ya ga bo. Mologadi
o gapeletša gore Lenkwang ke yena a bolailego ngwana wa gagwe. O gapeletša gape go senya letšwa. Dingaka di be di le kgahlanong le taba ye ya letšwa. Ba mo lemoša gore letšwa le ile go swara yo mongwe ka mo gae. Mologadi o re ke Lenkwang. Mologadi o senya letšwa. Letšwa le swara yena ka ge a ile a gaya Nareadi ka legare a re o a mo alafa. Mologadi o fetoga legafa le le tala. Bana ba ga bo Lenkwang ba nyaka go gapeletša gore Lenkwang atle a gaye Mologadi ka legare. Hlaregadirengwe o a ba kwa. O seboša Lenkwang. Lenkwang o gana go kopana le bona ge a bowa Mamelodi. Genesis 37:18
Andrew Maroga
Andrew Maroga o belegwe le go golela lefaseng la Driekop go la Burgersfort . O phethile dithuto tša gagwe Sekolong seo se Phagameng sa Mmiditsi. O ithutile tša bongwadi ka tlase ga tlhokomela ya mohu JR Maibelo. O ngwadile dipuku tše lesome-tshela tša Sepedi le tše pedi tša Seisimane. Ka ye nako ke moetapele wa dipolotiki ka tlase ga mokgatlo wa DA fao a bilego nkgetheleng ka dikgetho tša 2021. Ke moetapele wa lekala mo sekgaong sa gabo.
Read more from Andrew Maroga
Kgomo ya swa Rating: 0 out of 5 stars0 ratingsRe be re sa le bana Rating: 0 out of 5 stars0 ratingsMalefane Rating: 0 out of 5 stars0 ratingsAtla a e dira Rating: 0 out of 5 stars0 ratingsPoloko ye e makatšago Rating: 0 out of 5 stars0 ratingsSešampane sa mpulu Rating: 0 out of 5 stars0 ratingsMpho ya ka Rating: 0 out of 5 stars0 ratingsMagotlo a Maselomabe Rating: 0 out of 5 stars0 ratingsNong Seakaladi Rating: 0 out of 5 stars0 ratingsSeferong Sa Lehu Rating: 0 out of 5 stars0 ratingsDinotlelo tša Gauta Rating: 0 out of 5 stars0 ratings
Related to Lenkwang
Related categories
Reviews for Lenkwang
0 ratings0 reviews
Book preview
Lenkwang - Andrew Maroga
Puku ye e ngwadilwe fela go kgahliša le go ruta babadi. Maina le mafelo e ka ba tšeo babadi ba di tsebago fela ga di šupe motho goba lefelo lefe go ba lefe. Batho ba se ke ba makatšwa le go kgagamatšwa ke maina ao.
Mongwadi.
Ditebogo
Ga se ga kae, mo motho a ka kgonago go ngwala puku ya go swana le ye. Ke rata go leboga bana ba ka, Tshepisho le Lebogang Maroga le mmago bona yo a fetilego mo lefaseng la ka keno, e le go Lily Mahlakwana- Maroga. Batho ba, ba bapetše karolo e bohlokwa, ka go kwešiša bohlokwa bja go ngwala dipuku ga ka. Ba ile ba se mphelele pelo le go nkgadimola ge ke be ke le gare ke ba hlokiša nako ya bona mo go nna. Ba nthutile tše ntši tšeo malapa a mantši a di hlokago. Ke re go bona, le tloga le e hlabane bana ba tau. Ke leboga thekgo ya lena go menagane. Le ka moso ditau tše šo. Kgobadi ge e boka boka e botile morwadi.
Segopotšo
Ka pukwana ye ke gopola Mohumagadi Lawrencia Malete yo a ithobaletšego boroko bjo bogolo. Ke yena a mphilego thlohleletšo ya go feleletša puku ye morago ga go welwa ke manyami a go lahlegelwa ke mmago bana ba ka Lily Motlai Mahlakwana-Maroga. Ke re go yena ‘a moya wa gago o robale ka kgotso Nearadi.’ Le ge o sa bona dikenywa tša seo o se bjetšego fela ke dumela gore le fao o lego gona tše ka moka o a di bona. Ke sa re go wene ‘tseba gore la fata ga le bowe fela. Le bowa le šikere.’
I
Naa ke sentšeng? Ke potšišo yeo mang le mang a ipotšišago yona ge a sena go gahlana le tšeo a bego a sa di emela. Go bolela nnete batho ka moka mo lefaseng re emetše tše botse, fela re beetšwe tše mpe tša go se kgahliše ke mmopi wa rena. Ba bohlale ba a tseba gore tšohle di na le mohla wa tšona. Fela ge mohla o mongwe le o mongwe o fihla re na le ka fao re ikarabelago ka gona. E ka ba ka go lla, go ngongorega, goba go thaba. Fela o mongwe le o mongwe mokgwa wo re ikarabelago ka wona ke nako ya wona.
Le go Lenkwang go be go fela go e ba bjalo. O be a fela a ipotšiša gore a e ba go ke ka lebaka la eng go eba yena. Yena gare ga batho ba ka moka. O sentše eng ge a tlo šala a swarwa bjalo. A swarwa bjalo le ke bana ba gabo. Ruri ruri o be a fela a ipotšiša gore ba mo kwa eng. Ka go le lengwe o be a fela ipotšiša gore ke ka fao a bitšwago Lenkwang go tseba mang.
Ge a sa ile le kgopolo bjalo ke ge mogala o tsena. Hallo,
O ile a lebelela mogala a bowa a ngongorega ka gore mogala wo ga o kwagale. Hallo.
Hallo, mma.
Yeo e be e le morwedi wa gagwe wa bobedi yoo a bego a mo leletša mogala go tšwa gae Digabane. Yena o be a tsebalega ka la Mabore. Le yena leina le ga a no le hwetša fela eupša o le hweditše morago ga gore a tšwe bolwetši bja dintho bjo bo tsebjago ka mabore. E be e le bolwetši bjo boima fela bja go se ntšhe kotse wo kaalo. Ke ka fao