Mailu isila

By Juan Kruz Igerabide

Mailu Isila hiru zatitan banaturiko ibilbide bat da; lehen zatia, maldan behera doa, errealitate gordinera; bigarrena, maldan gora, goi-arnasaren bila; bi alde horietan, euskal poeten eta munduko poeten oihartzunez beterik daude poemak. Baina ibilbide hori, behera zein gora doalarik, ez da lineala; gora-nahiak eta behera-beharrak txirikordaturik daude, antzinako arkanoan bezalaxe (bi suge txirikordaturik; edo, gauza bera, estilizatuagoa: Taoren irudi biribila, hain modakoa). Txirikorda horren baitan jaiotzen da hirugarren zatia, egunerokotasun gordinari lotua eta, aldi berean, goi-kiriken egarri, etengabe kontzientzia mailukatuz, mailu isil, ironia eta errukia elkartzen diren euripean.

• Language: Euskara
• Publisher: Alberdania
• Release date: Jan 1, 2002
• ISBN: 9788498681444

Book preview

Mailu isila

Bitartean ibillico dira becatutic becatura amilduaz; oraiñ pensamentu batean, gueroseago itz loyak gozotoro aditzean: oraiñ escuca, edo queñada batean, guero musu edo laztanetan: oraiñ ipui ciquiñac contatzen, guero dantzan, edo dantza ondoan

alberdanian.

J.B. Agirre

© 2002, Juan Kruz Igerabide

© Azal eta diseinuarena: 2002, Antton Olariaga

© Edizio honena: 2009, ALBERDANIA, S.L.

Istillaga, 2, behea C. 20304 Irun

Tf.: 943 63 28 14 Fax: [phone]

[e-mail]

Comunicación Interactiva Adimedia, S.L.-ek digitalizatua

www.adimedia.net

Paperezko edizioaren ISBN zenbakia: 84–95589–49–4

Edizio digitalaren ISBN zenbakia: 978-84-9868-144-4

Mobipocket Edizio digitalaren ISBN zenbakia: 978-84-9868-143-7

Legezko Gordailua: S.S. 1192/02

MAILU ISILA

Zeri begira zaude

euriaren errezela

eskuaz zabaldu nahirik?

Euria ari du

beti lez,

betiko euria

joandako denborari

errezela ipintzen

beti lez.

I

Behera-behar hau

Bortxaz hildakoak

Bortxaz hildakoen

begiek ez dute

begi-ninirik,

bi bala-zulo baizik.

Begi-niniak

euri-tanta dira,

teilatua zulatzen

duen euritean.

Bortxaz hildakoen

begiek ez dute

begi-ninirik,

bi euri-zulo baizik.

Eta ni, hatz erakusleak

begi-ninietan sarturik.

Ahuspez

Balak beti aurrera egiten du, gorputza zeharkatuta, pareta zuri baten bila.

Eta norbait, makurturik.

Balak pareta zurian egindako zuloak kontrako aldera begiratzen du beti.

Eta norbait ahuspez, lurrari muinka, edo arnasa bila.

Bertso mistikoak

Bertsorik mistikoenak

egingo nituzke gaur.

Lurrak, baina, eten dit ahotsa,

Lurrak nakar bere erraietara;

Lur beltzak bere baitara nakar.

Eta ni, hizkiz hizki,

bertsoari hilobiak zulatzen.

Oi, lur; oi, lur,

oi, ene lur errea!

Azazkalez zulaturiko hilobiek,

arima lurperatzen didate.

Goiz emeak goiz emagaldu dira;

oi, ene lur errea!

Elur beltzez oro jantzia;

gizerreak zut, zoroan zut,

eta ni, oi