Aldaira urdinak

By Edu Zelaieta

Dagoeneko ez naiz toki berean bizi, mudantza edo aldaira egin berria baitugu: neure sorleku den Gasteizko Alde Zaharretik hiriaren kanpoaldeko Salburua auzo berrira. Baina mudantza hori ez dut mudantza bakarra. Ari naiz gaztarotik gauzarik behinenak biltzen. Ari naiz dudak eta beldurrak esperantzarekin nahasten, iragana geroarekin uztartzen.

Akaso, aldairaren bat egin berri duzu zuk ere, eta agian, oraindik ez dituzu gauza guztiak beren tokian kokatu. Kontu jakina baita mudantzak ez direla berehalakoan pausatzen.

Orain badakizu, irakurle: dagoeneko ez naiz toki berean bizi eta, ziurrenik, ez naiz pertsona bera.

• Language: Euskara
• Publisher: Alberdania
• Release date: Dec 31, 2009
• ISBN: 9788498681963

Book preview

Aldaira urdinak

ALDAIRA URDINAK

Bitartean ibillico dira becatutic becatura amilduaz; oraiñ pensamentu batean, gueroseago itz loyak gozotoro aditzean: oraiñ escuca, edo queñada batean, guero musu edo laztanetan: oraiñ ipui ciquiñac contatzen,

guero dantzan, edo dantza ondoan

alberdanian.

J.B. Agirre

© 2010, Edu Zelaieta Anta

© Azala eta diseinuarena: 2010, Antton Olariaga

© Edizio honena: 2010, ALBERDANIA, SL

Istillaga, 2, behea C. 20304 Irun

Tf.: 943 63 28 14 Fax: [phone]

[e-mail]

Comunicación Interactiva Adimedia, S.L.-ek digitalizatua

www.adimedia.net

Paperezko edizioaren ISBN zenbakia: 978-84-9868-194-9

Edizio digitalaren ISBN zenbakia: 978-84-9868-196-3

Legezko Gordailua: S.S. 499/2010

EDU ZELAIETA ANTA

ALDAIRA URDINAK

POESIA

A L B E R D A N I A

Nirekin batera

Gasteizko Alde Zaharretik Salburuara

aldaira egin duten Ametsi eta Ariri

Irakurlearentzako oharrak

Dagoeneko ez naiz toki berean bizi

Dagoeneko ez naiz toki berean bizi, mudantza edo aldaira egin berria baitugu: neure sorleku den Gasteizko Alde Zaharretik hiriaren kanpoaldeko Salburua auzo berrira. Liburu hau, jakinaren gainean egon zaitezen, aldairan egina da. Gerundioan. Mugimenduan.

Baina mudantza hori ez dut mudantza bakarra. Ari naiz gaztarotik gauzarik behinenak biltzen; iragana geroarekin uztartzen; beldurrak esperantzarekin nahasten. Izan ere, inork ez ditu soka guztien muturrak; ezta boteretsuenek ere. Eta horrek, gustatu ala ez, interesgarri egiten du mundu zalantzati hau.

Akaso, aldairaren bat egin berri duzu zuk ere, eta agian, oraindik ez dituzu gauza guztiak beren tokian kokatu. Kontu jakina baita mudantzak ez direla berehalakoan pausatzen. Pentsatzen dut ez naizela –ez garela?– salbuespena, jende anitz bizitzeko leku bila ari dela Gasteizko Alde Zaharrean, Salburuan edota zuk egunero etxeko atea irekitzen duzun auzo horretan.

Orain badakizu, irakurle: dagoeneko ez naiz toki berean bizi eta, ziurrenik, ez naiz pertsona bera.

Zenbait kutxa galdu bide