Ek is onlangs vir ’n jag in die Musina-omgewing (destyds Messina) in die hartjie van die Bosveld genooi. Die uitnodiging het dinge in my wakker gemaak wat ek al lankal vergeet het.
Ek is nie seker waar my liefde vir jag en die natuur begin het nie. Dit kon wees toe ek ses jaar oud was en tarentale en eende saam met my pa en broer gejag het. Of dalk toe ek later met ’n klein breeknek-windbuks by die huis rondgeloop en muisvoëls gejag het.
Wat wel ’n baie groot indruk op my gemaak het, was ’n jag in die Bosveld toe ons vir tien dae onder ’n kremetartboom gekamp het. Ek moes 11 of 12 jaar oud gewees het. ’n Goeie vriend van my pa het
