BYNA weekliks verskyn nuwe foto’s van Bianca Censori, die musikant Kanye West se vrou. En elke keer wil ’n mens vra: Genugtig, wat drá die vrou?!
Daar’s die keer toe sy in ’n deurskynende plastiekreënjas en swart stewels op straat gesien is, sonder klere daaronder. En die keer toe sy ’n goudkleurige lyfpak met ’n pers kussing oor haar borste gedra het. Onlangs het sy gekleurde sykouse aangehad sonder onderklere, met ’n band oor haar bors.
Elke keer wys haar uitrustings nog ’n bietjie meer lyf en raak dit moeiliker om te beskryf, meer bisar en meer skandalig.
Op ’n onlangse uitstappie na ’n winkelsentrum in Los Angeles het sy in ’n bratop, neongeel sykouse en swart hoëhakskoene verskyn, terwyl haar man ten