ONS almal hoop dat die vorm van ons wenkbroue die perfekte raam vir ons gesig verskaf. Maar nie almal van ons is geseënd met die beste vorm nie. Gelukkig kan jy iets daaraan doen, soos die garingdraadtegniek (threading), tatoeëerkuns (microblading) en laminering. Maar hoe weet jy watter een is reg vir jou? Of wat om te verwag?
GARINGDRAADTEGNIEK
BESTE VIR perfek gedefinieerde wenkbroue.
SÓ WERK DIT As jy die perfekte vorm wil hê, beproef die garingdraadtegniek (threading).
Dié tegniek van haarverwydering word reeds eeue lank in Indië gebruik. Dit behels dat ’n kenner twee katoengaringdraadjies deur middel van ’n spesiale tegniek oor die wenkbrou-area rol sodat die ongewenste haartjies (selfs die