Voordelige en inheemse roofinsekte word die afgelope maande met hommeltuie in die wingerde van die Vergelegen-wynlandgoed op Somerset-Wes vrygelaat om witluis, ’n groot sondaar in die verspreiding van die rolblaarvirus, te help bekamp.
Rolblaarvirus, ’n reuseprobleem in die wynbedryf, knou die gehalte en grootte van oeste, en verkort ook wingerd se ekonomiese leeftyd.