VERSTAPPEN EINDIG IN VLAMME, HAMILTON ENJINLOOS EN RUSSELL OMGEGOOI, MAAR CARLOS BLY KOEL EN ‘SMOOTH’
AY, CARAMBA! Hy’s nie net ’n mooi gesiggie nie.
Die 29-jarige Spaanse renjaer Carlos Sainz is amptelik die “Smooth Operator” van Formule 1.
Aanlyn wemel dit van die grappies oor hom en dié trefferliedjie wat Sade in 1984 onvergeetlik gemaak het: No need to ask … He’s a smooth operator.
Met sy smeulende donker oë en bos hare, atletiese lyf en parmantige glimlag maak hy knieë lam van vroegoggend tot laat in die ounag. En vandat “Smooth Operator” in 2019 sy internet-temaliedjie geword het, loop hy rond met die titel van F1 se voorste “thirst trap” – die