VEEBOERE leef tans in ’n lugleegte, sê dr. Frikkie Maré, nuwe hoofbestuurder van die Rooivleisprodusente-organisasie (RPO), oor die “perfekte storm” van struikelblokke wat die bedryf tans in die gesig staar.
Boere se winsgewendheid word bedreig deur onder meer lae vleis- en wolpryse, hoë insetkoste, beurtkrag, ’n verval in infrastruktuur, entstoftekorte, droogtes en misdaad, maar hy het op die Nasionale Wolkwekersvereniging se Oos-Kaapse kongres aan boere gesê die teëspoed bied ook die geleentheid om hul boerderye te vernuwe.
Normale stygings in speenkalf-, stoorlam- en karkaspryse is laas in 2018 gesien. In 2019 en ’n deel van 2020 was pryse laer as in 2018. Al was 2021 en 2022 goeie jare wat prys betref, het die pryse verlede jaar weer erg onder druk gekom. ’n Skerp styging in inflasie het die rentekoers laat styg, en die verbruiker
