Veeboerdery hoef nie stoetteling as basis te hê om uit te styg nie – dit kan ook met kruisrasskape eerbewyse inryg. Thorsten en Ursula Lüsse wat in die Kalahari boer, se aangepaste bont skaap met ’n sterk bouvorm en goeie loopvermoë is gesog en word van die veld af bemark.
Die Lüsses boer op Pommernhagen, 180 km suidoos van Windhoek tussen Nina en Leonardville, ’n tipiese Kalahariwoestynplaas waar die kruisrasskape goed pas. Hulle kruis drie skaaprasse om ’n basis van 60% Meatmaster, 20% Van Rooy en 20% wit Dorper te handhaaf.
Thorsten en Ursula het ook ’n kommersiële Bonsmara-kudde waarin rekordhouding net so ’n belangrike rol speel. Die beeste sorg vir sowat 33% van die boerdery-omset en die skape dra die res by.
Hulle het die eerbewys as Namibië se Kleinveeboer van die Jaar vir 2023 op die jaarkongres van die Lewendehaweprodusente-organisasie (LPO) in Windhoek ontvang. Dit word om die beurt afgewissel met beesboere, en in 2023 was dit die kleinveeboere se
