AS SPAN is dit so te sê onmoontlik om hulle onder te kry, danksy die haas onkeerbare Max Verstappen. Maar nou kan die skandaal om die man aan die roer van Red Bull die brieke aandraai op hul sukses.
Die spanhoof, Christian Horner, wat getroud is met die oud-Spice Girl Geri Halliwell, is dalk vrygespreek ná klagtes van ’n vrouekollega, maar sy probleme is nog lank nie verby nie.
As jy op die hoogste vlak meeding, maak jy langs die pad ’n paar vyande. Jos Verstappen, Max se pa, is een van hulle. Hy waarsku dat dit rampspoedig vir die span kan wees as Christian in die toppos bly.
“Hier is spanning terwyl hy die hoof