SCHUMACHER ‘IS STEEDS HIER’
DIS aangrypend om sy stem ná jare van stilswye in die dokkie te hoor. “Jy moet één word met die motor,” klink Michael Schumacher se stem daarin op. En dan: “Eenhonderd persent perfeksie. Ek sou nie met enigiets minder kon saamleef nie.”
Dis onthutsend om hom in die dokumentêre rolprent oor sy lewe so vol lewenslus te hoor praat – dié legendariese renjaer wat nog nie weer in die openbaar gesien of gehoor is sedert hy in 2013 in ’n ski-ongeluk ernstige breinbeserings opgedoen het nie.
Dié woorde – uit ’n onderhoud vroeg in sy loopbaan – is Michael (52) se eerste woorde wat opklink in ’n nuwe Netflix-fliek oor sy lewe, en dit voel byna asof hy uit ’n vorige lewe met kykers
