Mielietekort dreig in Suider-Afrika
’n Tekort aan mielies – veral witmielies vir menslike gebruik – dreig in Suider-Afrika weens die wydverspreide droogte. Zambië, die naasgrootste mielieproduserende land in Suider-Afrika, het pas ’n ramptoestand weens die droogte afgekondig. Dit gaan groter druk op Suid-Afrika plaas om sy buurlande van mielies te voorsien. Suid-Afrika se eie vooruitsigte lyk ook nie rooskleurig nie. In sy eerste produksieskatting het die Nasionale Oesskattingskomitee Suid-Afrika se oes vir die 2023-’24-seisoen op onderskeidelik 7 miljoen ton witmielies (17% laer as in die vorige seisoen) en 7,3 miljoen ton