Vrugte
Die laboratorium het in ’n huis begin, maar verskuif tans die grense wat betref gehalte, gesondheid en vinnige lewering by vrugtebome en gewasse met ’n hoë vestigingskoste.
Dié weefselkultuur-laboratorium, die Tissue Culture Facility (TCF) op die plaas Bernheim naby die Paarl, kon al die protokol vir die Geneva 778-appelonderstam baasraak, asook die UCBI-onderstam vir pimperneute. Albei dié protokolle is uiters kompleks, en wêreldwyd word gestoei om dit te verfyn.
TCF het besef hy kan meer as net sagtevrugte-onderstamme produseer, en het verlede jaar meer as 1 miljoen in vitro-bloubessieplantjies aan kliënte in Afrika, met hul eie afhardingsgeriewe, verkoop. Volgende op TFC se lys is om okkerneut-onderstamme deur weefselkultuur baas te raak. Dan is daar ook navrae oor produkte soos papaja en avokado wat wag.
Met die protokolle nou onder die knie, kan TCF baie vinnig plantjies vermeerder wanneer hy bestellings daarvoor kry.
Charmaine Stander,
