WIE WOON HIER? Wayne en Charlene Louw en Russel en Mia, twee miniatuur-worshonde
WAAR Wellington
GROOTTE VAN TUIN 600 m²
GRONDTIPE Granietagtige kleigrond
OUDERDOM VAN TUIN 5 jaar
“Ek hou van kleur in my tuin en in my huis. Met die oog hierop en ons warm somers, het ek die tuin beplan en plante gekies,” vertel Charlene.
“Ek het presies geweet wat ek waar wou hê. Daar moes ’n laventel-en-roostuin naby ons slaapkamer wees, ’n groente-en-kruietuin waaruit ons organies kan eet en ’n vrugteboord met onder meer perske-, pruim- en appelkoosbome. Water maak my rustig en waterfokuspunte in die verskillende tuinkamers, en genoeg sitplek vir kuier, was ook op my lys.”
Die Louws het in Augustus 2018 in dié ontwikkeling op ’n wynlandgoed ingetrek en in Januarie 2019 het Charlene met die tuin begin.
“Ons het eers die muurtjies, keerwalle en boma laat bou. Ek het iemand gekry om my met die tuin te help, maar sy diens was teleurstellend. Behalwe dat die projek
