Netbal is lankal nie meer net 'n sportsoort vir meisies en vroue nie. Al hoe meer mans beoefen dit – en hulle blink sommer behoorlik uit daarin! Roderick Fredericks (29) van Groenheuwel in die Paarl is een van hulle.
Dié veelsydige sportman van die Boland het in September geskiedenis gemaak toe hy die eerste mens uit die Kaapse Wynland-distrik geword het wat vir die Suid-Afrikaanse mansnetbalspan gekies is. En toe wen hulle boonop goud by die Afrika-toernooi in Botswana!
En om te dink Roderick was so ampertjies sy plek in dié span kwyt! Sy selfoon is gesteel, toe kry hy nie die boodskappe wat sê hy't die span gehaal nie. Die geluksgodin was egter aan sy kant, want hy't 'n nuwe foon gekry, die boodskap gekry en sy plek was verseker. Daai goue medalje was die kersie
