‘DIE MENSE VAN MONACO IS LIEF VIR DIE PRINS. HIERDIE MAN SE BEWERINGS MAAK HOM BAIE ONGEWILD’
DIE bloubloedgesin van Monaco is gewoond aan skandale, maar die nuutste een het niks met bewerings van ontrouheid, huweliksmoles of kinders by ander vroue te make nie.
Dit het te doen met geld.
En die jongste drama plaas die kollig op die bestedingsgewoontes van prins Albert en sy gesin.
DIE VERRAAD VAN BINNE
Die 65-jarige hoof van die Huis van Grimaldi moes onlangs reageer op onthutsende bewerings deur ’n voormalige werknemer.
Claude Palmero (67) was meer as twee dekades lank die finansiële hoof van die Pienk Paleis. Hy het hierdie posisie geërf van sy pa, André, wat al die jare Albert se pa, prins Rainier, gedien het.
