‘EK IS ’N NORMALE OU, MAAR EK LEEF NOU AL TE LANK NIE ’N NORMALE LEWE NIE. EK WIL NIE WAG TOT EK TE OUD IS OM ’N NORMALE LEWE TE LEI NIE’
DIE wêreld se beste sokkerafrigters bedank selde uit vrye wil. Die eise wat aan hulle gestel word, is só hoog – en die druk om te presteer só kwaai – dat selfs sterafrigters soms met die seisoene kom en gaan.
Min besluit self wanneer hulle genoeg gehad het – dikwels word hulle bloot deur hul bestuur uitgeboender.
Nie Jürgen Klopp nie.
As afrigter by Liverpool het hy nege jaar lank die kruin gery, met sy klub wat vanjaar weer topsokker speel en teen druktyd nog heel boaan die ranglys van die Engelse Premierliga kon spog. Boonop het hy by die Reds ’n