Nuus Aktueel Wetgewing
AGBIZ het ook ander ernstige voorbehoude oor die omvattende en omstrede wysigings aan die Nasionale Waterwet (Wet 36 van 1998) wat van binne én buite die landbou kritiek ontlok het.
Van dié voorbehoude sluit in dat dit kosbare en broodnodige beleggings kan strem én beskikbare water onbruikbaar laat.
Een van die wysigings behels die byvoeging van artikel 27 (3) waarvolgens regstelling van die verlede se rasse- en geslagdiskriminasie voorrang moet geniet met die toekenning van waterlisensies en algemene magtigings. ’n Sekere volume water sal vir dié doel opsygesit moet word.
Agbiz sê in sy kommentaar dat regstelling ’n omvattende benadering vereis wat lei tot die skep van nuwe, volhoubare ondernemings. Dit moet só gedoen word dat dit nie beleggers afskrik of risiko’s inhou vir voortgesette produksie, voedselsekerheid en uitvoer nie. In die meesterplan vir die landbou en voedselverwerking is dit